Marahil nagtataka kayo bakit matagal bago masundan ang kabanata ng teleserye 3. Frankly, pag ibinibalik ko ang gunita ko sa istoryang ito, napapaiyak ako. Mapapansin ninyo na ang una ay may mga sense of humor akong ininject sa kuwento pero habang nalalaunan ay hindi ko magawa. Malalaman ninyo sa mga susunod na kabanata bakit.
Kung Kailangan Mo Ako Part 9
Mga Tauhan
Nova: Isang babae raw (hehehe)
Manny: Isang lalaki (doble hehehe)
Tommy: Isang lalaking may-asawa, leader ng grupo
Del: Isang babaeng may-asawa raw
Tes: Isang babae, may asawa rin
Dino: Isang lalaki, under ng asawa
Ang pagiging kaibigan ay nauwi sa pag-iibigan. Walang pakialam si Nova kung may asawa si Tommy.
Huling pagkikita nila ni Manny ang pamamaalam nito kung hindi siya iiwas kay Tommy para hindi masira ang buhay niya.
Wala na silang tuksuhan. Pinagtapat ni Manny na noong una ay relasyon lang ang habol niya sa girl friend niya. Walang commitment. Walang pangakong kasal. Pero nagdesisyon na siya na pakasal.
Nagtungo na si Manny sa Estados Unidos at bumalik lamang para pakasalan ang girl friend. Bago siya umalis, ibinigay niya ang kaniyang address at sinabi kay Nova na kung kailangan niya ang tulong, huwag siyang mag-atubiling tumawag o sumulat.
Patuloy pa rin ang illicit relationship ni Tommy at ni Nova na hindi pinasusuko ng pag-iiskandalo ng asawa ng lalaki. Naroong siya ay sugurin sa opisina...tawagan sa telepono at pagbagsakan sa telepono at tawagan ang kaniyang mga kamag-anak.
Kaya siya ay nagplano. Ipadadala si Tommy sa isang conference sa US. Pinilit din ni Nova na makakuha ng visa para sumama.
Pagdating sa US, tinakot niyang magpapakamatay siya pag bumalik pa si Tommy sa Pinas. Gusto niyang mag TNT na sila at doon na manirahan.
Dahil na rin sa panggugulo ng asawa ni Tommy, napilitan na rin ang huli na pagbigyan si Nova.
Hindi na sila bumalik sa Pilipinas.
Pareho silang naghanap ng trabaho pero wala silang papel kaya mga trabahong ang suweldo ay maliit at under the table ng mga Pinoy na nagsasamantala sa mga TNTing kababayan.
Ang isang solution lang para sila makakuha ng papel ay magpakasal. Hindi sa isa't isa kung hindi sa mayroong papel.
Si Tommy ay magpapakasal sa isang Pinay na US citizen at si Nova naman ay magpapakasal sa isang Pinoy na US citizen. Pag may papel na sila ay pareho nilang ididivorce ang mga asa-asawa nila.
Walang kamalay-malay si Nova na ito ang magiging daan papunta sa impyerno.
Pinaysaamerika
No comments:
Post a Comment