The Sleeping Pills

Dear insansapinas,
 
Kung Kailangan Mo Ako Part 6



Mga Tauhan

Nova: Isang babae raw (hehehe)

Manny: Isang lalaki (doble hehehe)

Tommy: Isang lalaking may-asawa, leader ng grupo

Del: Isang babaeng may-asawa raw

Tes: Isang babae, may asawa rin

Dino: Isang lalaki, under ng asawa


May message siya. Nasa ospital si Nova.
Pumasok siya sa kuwarto. Nakapikit si Nova pero dumilat ito nang marinig ang kaniyang sapatos.


Manny: Pasensiya ka na kung late akong dumating. Nagdedecide kasi ako kung korona ng patay ang dadalhin ko o ordinary flower arrangement. May dala rin akong kandila at tape measure para malaman ko ang size mo.


Ngumiti si Nova.


Manny: Anong gusto mo whole body yong salamin o kalahati lang?  Anong gusto mong kulay ng kahoy, puti o natural?


Nova: Gusto mo na ba akong mamatay?


Manny: Aba, eh sino ba ang nasa ospital? Sino ba ang nag-overdose ng sleeping pills. 


Nova: Aksidente lang yon. Kasi gusto kong makatulog. Mula nang sinimulan natin ang project, nasira ang sleeping pattern ko.


Manny: Alam mo Pinocchio, habang nagsasalita ka, hindi ilong mo ang humahaba. Yong dila mo. Hintuan mo na yang kasinungalingan mo baka sa haba ng dila mo ay malunok mo ako kagaya ng palaka.
Siyanga pala, balak dumalaw dito ang grupo. Gusto mo ba?


Nova: Bakit ko naman pipigilan?


Manny: Naku baka pag may nakita ka, hindi lang isang boteng sleeping pills ang inumin, baka isang galon. Hindi kita bibigyan ng tubig.

Nangiti si Nova.

Nova: Salamat Manny ha.

Manny: Alam mo naman ako kung may kailangan ka sabihin mo lang. 

Dumating si Dino kasama ang asawa. Dumating din si Tess, kasama ang anak, Dumating si Tommy, kasama si  Del.

Inobserbahan ni Manny si Nova. Nakita niyang pilit ang pagngiti nito sa dalawa. Halos magkadikit ang dalawa sa pagkakatayo sa sa loob ng kuwarto ng ospital.

Manny: Okay visiting hour is over. Thank you people. 

Tess: Bakit ikaw ba ang nurse ni Nova?

Manny: Naku hindi kahit bayaran mo ako ng time and a half  hindi ako papayag kahit orderly niya.


Dino: Sige iwanan na natin si Nova, para makapahinga siya. Marami pa rin tayong gagawin. Siyanga pala Nova, gusto mo bang tulungan ka namin sa project mo?


Nova: thank you Dino pero baka bukas lang naman uuwi na ako. 


Tess: Kailangang sumali ka ulit sa amin. Ang tahimik ng grupo pag wala ka. Sa bahay nina Dino ang aming tagpuan ngayon. Magluluto ang asawa niya. 


Ngumiti ang asawa ni Dino. Isa siyang teacher. 


Nova: Sige. Subukan ko.


Tess: Sunduin mo siya Manny. 


Manny: Ano ang gagamitin ko, kalesa, lincoln o yong aking mustang.


Tess: Yong si Batman ang gamitin mo.


Manny: Oy vintage car ko yon. Doon ako nag-aral magdrive. kahit na naibabangga ko hindi nagagalit ang erpats ko.


Dino: hindi naman kaya matetano si Nova?


Manny: Hayaan ninyo at paiinjectionan ko ng anti tetanus si Nova.


Pagkaalis ng grupo. Tinanong ulit ni Manny kung gusto niyang sumali ulit. 


Tumango si Nova.


Manny: Okay. Pero tandaan mo walang emo-emo ha. Malayo pa ang Famas.


Pinaysaamerika