Gasgas ang utak ko pagkatapos kong magbasa ng 4 na nobelang sunod-sunod. Pinipilit ko kasing hulaan ang mga criminal among the usual suspects. Paano mo mahuhulaan, kung yong asawa pala ng detective ang mismong serial killer o ang kaniyang chief ang mismong kontrabida at isang matandang lalaki na hindi mo aakalaing makakapatay pa. Whew. zzzzzzzz Pero nakapagbasa pa rin ako ng mga balita.
Balita 1
Mabuti naman at madidisqualify si Mikey Arroyo sa pagrepresenta ng mga tricyle drivers. Ano naman kasi ang karapatan niyang maging representative nila sa Congress? Nakasakay na ba siya ng tricycle?
Bakit kasi may mga party list, party list pa? Ewan ko Birhinya, pero di ko talaga maintindihan kung bakit eh di ba ang mga congressmen dapat ay nireprepresent ang isang lugar, maging bakla ka man, tricycle driver, at kung anu-ano pa. Paki-esplika nga bakit kailangan bigyan ng pork barrel ang mga ito? Pakipulot nga ang aking IQ, Nahulog eh.
Balita 2
Suspendido ang mga COMELEC OFFICIALS na nalink sa contract ng ballot secrecy folder . MAbuti naman. Isa sa mga kinainisan kong tingnan ay yong pinapakita ang mga botante na nagsusulat ng iboboto nila habang maraming nakatingin. Ang binoto nga ni Erap naretrato pa ng isang photographer. DUH.
Sana naman hindi lang ito hanggang publicitiy.
Balita 3
Bumalik na ang presidential sister. Kaya may bagong gimmick na inilabas ang kaniyang media relations. Siya ay buntis DAW. *heh*
Pasensiya kayo walang link. Magdusa kayong maghanap dahil hindi na kailangang hanapin. Nasa lahat ng diyaryo.
Balita 4
Humingi ng payo si Venus Raj kay Manny Pacquiao kung paano manalo sa international competition. Akala ko sasabihin ni Manny. ganito, yon, left hook, right hook at saka kumanta ka sa karaoke. Ahohoho
Pinaysaamerika
No comments:
Post a Comment