I have two errm thousand hands

Dear insansapinas,
Panoorin mo ang ganda. Daming mga daliri, kamay at paa.



Pinaysaamerika

Maraming namamatay na mga celebrities

Dear insansapinas,
Maraming namamatay na mga celebrities sa US, kagaya nina Farrah Fawcett, Michael Jackson at Karl Malden.



Sa Pilipinas din, maraming pinapatay na celebrities kahit buhay. "Pinatay" na nila si Rustom Padilla at binuhay na si BB Gandanghari.

Ngayon naman "pinatay" na nila si Hayden Kho, at bago na raw ang Hayden Kho ngayon.

Pakisampal nga ako.

Pinaysaamerika

Beat It

dear insansapinas,

wala akong pinalalayas, insan. sumasabay lang ako sa music ni Michael jackson na Beat It.


kabibili ko lang ng number ones (CD) niya)

excuse me, susunod na ang thriller. kailangan magmoonwalk din ako. bwahahaha

sensya na kayo may kinaiinisan akong tao ngayon.dinadaan ko na lang sa pagsayaw.

sige. sayaw.


Pinaysaamerika

Masamang Ugali noong bata pa

Dear insansapinas,
may masama akong ugali noong bata pa. kuwento lang ng nanay ko kasi syempre di ko alam yon. para raw ako makatulog, kailangan ipakagat nila sa akin ang aking daliri sa paa. ano bang tawag doon sa pinakamalaking daliri?

kanan daw ang aking preference. kaya ba mas malaki yong kaliwa? nabawasan ba ito ng aking kinakagat-kagat?

yon namang aking kaibigan, parang si linus, kumot naman ang dala. kinakagat-kagat niya ang isang dulo ng kumot. nang lumipas ang taon, kalahati na lang ang kumot. siguro mas masarap kung binubudburan niya ng asukal o ng asin.

kayo ano ang masama ninyong ugali?

Ang Pangalan ko Inis

Dear insansapinas,
Tama ang basa mo Inis at hindi Inez.

Inis kasi ako sa mga balita.

Inis ako kay Debbie Rowe. Sino si Debbie Rowe?

Siya yong mga nanay ng dalawang anak ni Michael Jackson na noong mga nakaraang araw ay nagngangawa na hindi raw nila anak ni Michael Jackson ang mga bata. Sinabi pa niya na parang sa kabayo lang ang ginawa at wala raw siyang interes na kunin ang mga bata.

Ngayon iba na ang ihip ng hangin. Nag-iisip siya na awayin ang ina ni Michael Jackson tungkol sa custody ng tatlo (dalawa lang ang kaniyang anak) dahil nabalitaan siguro niya na 40 per cent ng kayamanan ni Jackson ay mapupunta sa mga bata. Pero nag-iisip pa rin siya. Baka nga naman walang natira sa mamanahin dahil sa mga utang. Mukha ba siyang pera? Ano sa palagay ninyo?

Ikalawa kong kinaiinisan ay ang mga latest interview kay Hayden Kho. Talagang hindi titigil ang pr machine niya para siya kaawaan ng mga tao at makuha ang kanilang simpatiya.

TSEh nila.

Pinaysaamerika

Ang Aso

Dear insansapinas,


Dear insansapinas,
umiiyak ba kayo pag namatay ang aso ninyo?
Nanood ako ng marley and me, isang pelikula tungkol sa aso na walang ginawa kung hindi sirain ang mga kasangkapan ng mag-asawang si Owen Wilson at si jennifer aniston. siya nga raw ang pinakasamang aso sa mundo. pero muntik na silang magkahiwalay nang gustong paalisin ni jennifer ang aso dahil nagkasabay-sabay yong post partum syndrome niya (isa itong pangyayari sa babae matapos manganak. either malungkutin siya o masungit.

nang mamamatay na ang aso ay lumayo ito. 13 years old na siya. sa aso ito ay matanda nadahil times 7 ito kaya kung baga siya ay mahigit isandaan taon na). may sakit pala ito sa tiyan. pinagamot nila pero mga ilang buwan lang ay talagang mahina na siya. hindi na siya makatakbo. mas gusto lang nitong nakahiga sa may fireplace.

pinatulog na siya (ibig sabihin pinatay ng vet). binigyan siya ng libing at eulogy hindi lang pamilya kung hindi pati ang nagbabasa tungkol sa kaniyang buhay.

may aso rin kami noon na napalapit sa akin. siya ang huling aso na iniyakan ko dahil sa mga susunod na aso, hindi na ako lumapit ng husto. hindi ako nakakain ng ilang araw habang iniisip ko na kinain na siya ng manginginom na nadognap sa kaniya.

noon sinuma ko na magkaroon sana sila ng buntot. toink toink (epekto yan ng aking magic spell, bwahahaha).

May aso noon ang aking kaibigang matanda. isang poodle. dahil wala nang kakayahan mag-alaga mag-asawa, pinaalagaan ito sa kanilag dating driver.dinadala naman ito tuwing miyerkules sa matanda para dumalaw.

hanggang namatay ang matanda. mga ilang araw, sumunod din ang poodle. mahigit daan taon na rin siya dahil 13 years na rin siya.

kayo napapamahal din ba sainyo ang inyong alaga, aso man o pusa?

ano, rabbit? wehehehe.

Pinaysaamerika

Cable, Phone at Internet

Dear insansapinas,

Ang tagal kong naghintay sa cable technician. Naglagay na ako ng punasan na tuwalya sa carpet. Hindi nagtatanggal ang mga sapatos ang mga yan at ang aming carpet ay beige.

Sa kahihintay ko nakatulog ako ng hawak ko librong binabasa ko. Detective story.
Ring ang phone. Kaibigan ko. Biglang may nagclick. Nawala linya. Pati ang aking TV ay nagfreeze. wala namang yelo. toink toink toink .Pati ang aking internet ay nawala. Arghhh. Dumating na sila, pero wala akong nakikitang mga techie.

Hapon na wala pa rin. walang internet. piangpapawisan na ako ng maalapot kahit naka On ang AC. Huwag ninyo akong pakainin ng isang meal, huwag lang ninyo akong aalisan ng internet. Wahhh.

may narining akong gumagalaw sa terrace. Kala ko ibon. Kalaki namang ibon yon. Aba isang technician. Tanong ko kung saan dumaaan kasi hindi naman siya kumatok.

Lumipad ba siya? Meron daw silang hagdan. Ow.

Alas Tres, meron ng cable. yehey. meron ng telepono. yehey. meron ng internet. YEHEY.

Pinaysaamerika

Tita Cory nasa serious condition na raw

Sinimulan na ang nine day novena at healing mass para sa dating pangulo, Corazon Aquino ayon kay Ms. Siytangco ang kaibigan ng pamilya at aspokesperson ni Cory.

Wala na raw ganang kumain kaya naligalig ang pamilya at ikinabit sa intravenous feeding.

Si Cory ay biyuda ni Senador Benigno Aquino, Jr.

Pinaysaamerika

Relo

Dear insansapinas,
may bago akong relos. wag mo akong sasagutin ng eh anoh. hmph. alam mo naman ang aking weakness, relos. marami akong relos noon. ngayon ay tatlo na lang.masama pa angloob ko niyan. kaso sabay-sabay na nawalan ng baterya. susme, akala ko tuloy noong isang araw huli yong sundo ko kaya iniwanan ko.

Eniwey, bumili ako ng relos na yong puwedeng itapon o kung huldapin ka na hindi ka mawawala sa sarili mo at kulamin yong mga nakakuha. Water resistant siya. Simple lang. hindi yong ang daming seremonyas para lang maadjust ang oras. haynaku wag mo akong pagbasahin ng manual at ang aking utak ay nagpifreeze.

Isa pa hindi siya stainless. may allergy kasi ako sa hindi ginto o kaya ay tinubog sa ginto. ganiyan kaselan ang aking kutis na malasibuyas...sibuyas higante nga lang. Kahit peke, basta wala lang alloy na iba. Para siyang coated. Isa water resistant siya. Yehey, Kahit makalimutan kong alisin pag ako naghugas ng kamay, hindi siya malulunod.alam mo naman ako si kalimot.

Anong oras na ba?

Pinaysaamerika

Bithday kahit Recession

Dear insansapinas,
Nagbirthday ang anak ng kaibigan ko. Pitong taon. Siyang bata noon na para makatulog, kailangang isakay mo ng kotse. Pagsayad ng likod niya doon sa child seat, tulog kaagad.
Pag inalis mo naman, gising na para bang nakakabit sa kaniya yong child seat na nasa kotse.

Buti na lang nawala angmasamang ugali niyang yon. Ngayon pitong taon na siya. Nagpatay ng baboy ang aking kaibigan. Nilitson ang ulo. Matigas naman kaya ayun, di yata naluto.
Pero marami silang nalutong mga ulam galing sa baboy, dinuguan, estopado, adobo, at iba pa. Hindi pambatang pagkain kaya binilhan nila ng pizza yong mga bata. haynaku. ang lumantak ng pagkain ay yong mga matatanda. Nasabi pang children's party. Bwahaha.

Pinaysaamerika

Biglang Dumilim, mga Aninong gumagalaw

dear insansapinas,
naksyapo, akala mo hindi lahat nakabayad ang mga tao ng kuryente. isang oras patay ang mga ilaw dahil sa Earth Hour.

sanay tayo niyan noon insan lalo sa probinsiya. kaya may pinaglalaruan tayo. io ang tv noon o dvd sa ngayon para maentertain ang mga bata.



Pinaysaamerika