Dahil kinokopya ang aking mga walang kakwenta kwentang sinusulat, hindi ko na sasabihin kung ano ang relasyon ko sa mga tauhan ng aking Teleserye.
Mga Tauhan
Nova: Isang babae raw (hehehe)
Manny: Isang lalaki (doble hehehe)
Tommy: Isang lalaking may-asawa, leader ng grupo
Del: Isang babaeng may-asawa raw
Tes: Isang babae, may asawa rin
Dino: Isang lalaki, under ng asawa
Kung Kailangan Mo Ako Part 1
Nova: "Darating kaya yon?"
Manny: "Oo naman, alam mo naman yong palaging late.Kahit sabitan mo pa ng alarm clock yon, di magigising ng maaga."
Nasa bahay ni Manny ang grupo . May meeting sila para sa isang group project.
"Oy" sabi ng mother ni Manny. "Kumain na kayo. Huwag na ninyong hintayin yong si Tommy. Lalamig ang niluto ko. Ayaw ko naman na mapahiya ang aking anak sa kaniyang special someone." sabay kindat-kindat.
Pagkatalikod ng nanay ni Manny, siniko ni Nova ang katabi.
Nova: " Special Someone? Ako ba ang tinutumbok ng mother mo?
Manny: "Bakit ikaw lang ba ang babae dito? "
Nova: "Hindi pero ako ang kausap mo at nakatingin siya sa akin habang ang mata niya ay pakindat-kindat."
Manny: "Illusion mo lang yon. Ganiyan si mother, pag pagod, ang mata, kikirat-kirat."
Nova: "Niloloko mo ba ako. Eh kung pitserahan kita?"
Manny: "Hindi, alam naman niyang di kita papatulan."
Nova: "Bakit?"
Manny: "Anong bakit. Babae ka ba?" tukso ni Manny.
Nova: "Ano sa palagay mo?"
Manny: "Huminto ka na ng kailulusyon dahil di talaga kita papatulan.Pumuti man ang uwak. Tawagin ko si Del, si Tess at si Dino para makakain na tayo." halakhak pa niyang tayo.
Nova: "Ano ba ang papel ni Del sa project? Hindi naman natin siya katropa. "
Manny: "Ang alam ko siya bale ang mag-oorganize lahat ng write-ups at consultant din; si Dino ang editor at si Tess ang sa financials."
Nova: "Ako, anong papel ko?"
Manny: "papel de liha."
Nova: "Ikaw ano ang papel mo?"
Manny: "papel de hapon."
Siniko ulit ni Nova si Manny.
Manny: Ah, sumusobra ka na. Kabibili ko lang ng bra ko, dinibdiban mo na naman ako."
Mother ni Manny: "Hoy, kayong dalawa, huminto na kayo ng tuksuhan, mamaya magkatuluyan kayo."
Nova: Ngiiiii. Kahit siya na lang ang etc etc etc.
Manny: Ngiiii mo rin.Hihilahin ako ng sampung kalabaw bago mo ako mapaligaw saiyo oy.
Itutuloy
Pinaysaamerika
No comments:
Post a Comment