PiNaysaAmerika: Sumbong, sumbong-Pinay Goes Romantic Part 11

Sunday, April 22, 2007

Karugtong ng:

Si James Bond at ang British na hindi Spy-Pinay Goes Romantic Part 10

Dear insansapinas,

Sinumbong ako ni James Bond sa mother niya. May dagdag pa. Kesyo baka raw magpaalam na ako kapag ako ay magpapakasal sa isang bloody Briton. Tsismoso.

Kararating lang ng mother niya galing sa India. At may balak pumunta ng Spain at ibang European countries. Isasama raw niya si James Bond. Palagay daw niya nabobore dahil sabbatical niya sa eskuwela. Palagi namang sabbatical yan eh. If I know.

Pumayag si James Bond. Pupunta raw siya sa London para may bibisitahin. Saka medyo itinaas ang kilay. Di ko siya pinansin. Sa isip ko ano ba ang nakain nito at ako palagi ang nakikita. Hindi naman siya Bampiro na pwedeng pakitaan ko ng krus para hindi lumapit sa akin. YHaaah.

Buti naman at mawawala siya. Matatahimik ako.

Pero kinausap din ako ng kaniyang mother kung totoo nga. Tingnan mo yan. Tsismosa rin siya. (Pero mabait siya ha). Sabi ko, may proposal. Umuwi siya sa London para ayusin ang mga properties bago siya magmamigrate dito.

Pinagpayuhan niya ako na wag padalos-dalos. Matindi rin naman kung makasumbong ito si James Bond. Pakialam ba niya sa buhay ko? Parang gusto kong gumawa ng manika niya at matusok-tusok.

Ang iyong pinsan,

About the Blog

This is a blog about the adventures and misadventures of a Filipina in the US of A who wants to save the world from clutches of evil but is too lazy to don her costume. It also includes her reminisces of her journey of life in her birth country. Sinimulan ko ito ng 2004 at pansamantalang iniwan ng magbukas ako ng marami pang blogs katulad ng Now What, Cat? . Ngayon na pinahihinga ko ang aking pusa, dito naman ako nanggugulo.

Mga kuwento ng pag-ibig(lintek na pag-ibig yan, pagpapakasakit (uso pa ba ang martir ngayon),pagtataksil (hulihin si Hudas) at mga karanasan ng mga Pinoy na nangingibang bansa. Mga kuwentong parang pelikula na hindi naman pelikula pero pwedeng isa pelikula. Gulo ko. Ang mga KUWENTO po dito ay mga nakaraan na at sa kasalukuyan na may kasamang mga salawikain, totoo at tagp-tagpi.Minsan ay sumisipa rin ako sa pulitika at lalo sa showbiz. Frusrated actress kasi. Toinkk. Dito rin ninyo mababasa ang mga sariwang balita dahil hindi pa man nangyayari ay naibabalita ko na. ahek.