Love Triangle na Bilog-Pinay Goes Romantic Part 6
Si James Bond na hindi Spy
Dear insansapinas,
Dumating ulit si James Bond, galing sa East Coast. May kasamang petite na babaeng Puti. Uhmm. Magkasama sila sa isang hotel. Paano ko nalaman, yong bill, dumaan sa akin, Sey ninyo, charge sa fafa.
Hindi ako pansin ng loko. Parang hangin lang ako na hindi nakikita. Minsan parang kurtina lang sa bintana na tinatagusan ng tingin pag sumilip siya kung maaraw.
Tsee niya.
Tahimik din yong girl friend. Wala siyang make-up at kagalang-galang kung kumilos. Lady judge ba naman. Mahal na mahal si James Bond at matiyagang naghihintay ng marriage proposal. Gusto ko sanang tsikahin na paano siyang pakakasalan niyan eh ang daming tsiks.
Kaya lang pakialam ko ba. Bahala siya kung gusto niyang maging martir. Huwag na niya akong pagdalhin pa ng semento para sa monumento. Ahahay.
Martir na nga siya sa paghihintay ng labindalawang taon. Biruin mo isang dosenang taon ang nawala sa kaniya. Hewan ko ba.
Bulong sa akin ng mader ni James Bond, tanggap na raw ng pamilya ang babae, pero siya raw eh medyo hindi. Aha intriga.
Alam ko namang unico hijo si JB kaya possessive ang mader niya. Uhmm.
Sa sulok ng mata ko nakita kong tinitingnan ako ng lady judge. Haynaku ha, hindi ako kalaban. Kahit na siya pa ang natitirang lalaki sa mundo (Sabi ko na huwag magsasalita ng patapos at kakainin ang sinabi). Wala akong interes.
Hindi sila nagtagal. Uwi rin sila. Para bangwalang kakulay-kulay sang kanilang relasyon. Yon bang mag-aaway at magbababambuhan, tapos magbabati.
Ang iyong pinsan,
Related articles:
Robert de Niro...Pinay Goes Romantic Part 1
Robert de Niro...Pinay Goes Romantic Part 2
Tutorial Ekek-Pinay Goes Romantic Part 3
GFNPA -Pinay Goes Romantic Part 4
Blue Eyes-Pinay Goes Romantic Part 5
Si Pinay at si James Bond
Si Pinay ang inihatid ni James Bond
Si Pinay at ang Gerl Pren
Si Pinay at ang Kapitbahay, Karugtong Po
Si Pinay at ang Kapitbahay-Brown-out ulit
Si Pinay at ang Kapitbahay
My First Christmas
Pinay goes romantic and religious Part 1
Pinoy,Pinay, balikbayan,
love,Robert de Niro,Jane Fonda, romance
No comments:
Post a Comment