Sumbong,sumbong-Pinay Goes Romantic Part 11
Dear insansapinas,
Isang buwan din siyang nawala, kaya tahimik ang buhay ko. Ang pumepeste lang sa akin ay yong physical therapist na may boy friend ng male nurse pero habol pa rin si JB. Kasi "commoner" lang daw si male nurse at sila ay nasa alta sosyedad. Kita mo insan, akala mo sa soap opera lang nangyayari yang rich girl-meets-poor-boy-parents-say-no. Hindi sa totoong buhay din dito. Pakitugtog nga ng biyulin. Si JB nga naman ay anak ng isang doctor, kapatid ng isang doctor at abugada at anak ng isang may-ari ng art gallery. Maganda talagang "catch".
Araw-araw na yata na nakatala sa kalendaryo ay dumadalaw at hinuhuli siguro kung
nandoon na si James Bond. Mangani-ngani kong sabihin na kumukuha ng bagong misyon kay M. (soundtrack ng James Bond movie).
Pagpasok ko isang araw a narinig ko na ang boses ni JB kahit nasa labas pa lang ako. Sa isip ko patay. Nandito na naman ang malacholesterol na tao na nagpapataas ng aking BP.
Kinukuwento niya sa Tatay niya ang pakikipagkita niya sa isang babaeng nakilala raw niya sa cruise. Yakititakitiyak.
Tapos, titingnan niya ako kung ako ay nakikinig. Naku ha Busy ako. Kinakausap ko si Lola. Si Lola ay ang kanilang standard poodle na itim na itim ang balahibo. Dinadala lang siya noong driver para dumalaw dahil nakaschedule itong pumunta sa beauty parlor para sa kaniyang grooming. Langhiyang aso, talo pa ako. Shampoo lang sa beauty parlor pa.
If I know, naikuwento na ng kaniyang mother sa akin na hindi naman nakipagkita sa kanya yong babae. Kontra pelo ang mag-ina. Ako ang nasa gitna. *heh*
May pasalubong naman siya sa akin. Kamisetang may tatak Oxford. Nagtuturo kasi doon ang bayaw niya pag summer. Di hindi rin galing sa kaniya. Tsee.
Dumating si physical therapist. Nag-usap sila .Hagalpakan ng tawa. Mangani-nganing pamaywangan ko ang dalawa at sabihing get yourself a room (ay mali). Ingay kasi.
Oras na nang uwian. Yehey. Hinabol niya ako sa elevator. Kailangan daw gumawa ako ng report noong habang wala siya. Hindi niya alam , napadala ko na sa kapatid niya.
Sabi niya, kailangan daw niya ako saglit. Sabi ko sa kaniya. are you going to pay me overtime?
Hindi raw, ihahatid na lang ako para makapg-usap kami sa kotse. Nasaan ba yong manika ng mangkukulam?
Ang iyong pinsan,
Related articles:
Robert de Niro...Pinay Goes Romantic Part 1
Robert de Niro...Pinay Goes Romantic Part 2
Tutorial Ekek-Pinay Goes Romantic Part 3
GFNPA -Pinay Goes Romantic Part 4
Blue Eyes-Pinay Goes Romantic Part 5
Love Triangle na Bilog-Pinay Goes Romantic Part 6
Si James Bond na hindi Spy, Part 7
Happy Birthday Daw-Pinay Goes Romantic Part 8
Happy Birthday Daw-Pinay Goes Romantic Part 9
Si James Bond at ang British na hindi Spy-Pinay Goes Romantic Part 10
Si Pinay at si James Bond
Si Pinay ang inihatid ni James Bond
Si Pinay at ang Gerl Pren
Si Pinay at ang Kapitbahay, Karugtong Po
Si Pinay at ang Kapitbahay-Brown-out ulit
Si Pinay at ang Kapitbahay
My First Christmas
Pinay goes romantic and religious Part 1
Pinoy,Pinay, balikbayan,
love,Robert de Niro,Jane Fonda, romance
No comments:
Post a Comment