Happy Birthday Daw-Pinay Goes Romantic Part 8
Dear insansapinas,
April din noon. Birthday ng fafa ni James Bond. Syempre, lipad na naman siya papunta sa SF. Parang ginagawa niyang Quiapo at Sampaloc lang and East Coast at Bay Area.
Surprise party ang gagawin kaya panay lang sulat sa maliit na papel ang aming usapan.
Sa penthouse ng building gagawin ang maliit na party.
Mga empleyado lang ang naroroon saka kamag-anak na malapit. Inilabas niya ang fafa niya habang kaming mga empleyado ay tumulong sa paghanda ng luncheon party.
Nandoon ong empleyadong babaeng kumaringking kay James Bond. Nandoon din yong babaeng empleyadong kinakaringkingan ni James Bond. Lumabas din ako at bumili ng regalo. Hindi ko nga alam kung anong bibilhin kong regalo dahil mayroon na siya lahat.
Relos na Casio ang binili ko, insan. (Hindi ka maniniwala pinsan, habang tinatype ko ito, ay suot ko ang relos na iyon, kung bakit, abangan sa mga susunod na kabanata). Yong may ilaw, may alarm, may date, water resistant at nagbibigay ng oras hanggang sa kahulihulihang segundo. Mura lang pero yon lang ang aking makakaya at mabibili ng madalian.
Party na. Kainan na. Inorder na pagkain sa Japanese restaurant. Paborito ng fafa ni James.
Bukasan ng regalo. Ganiyan dito insan. Binubuksan sa harapan mo ang regalo ng mga bisita.
Nagustuhan niya ang regalo ko at tuwang-tuwa siya. Dress watch kasi ang mga relos niya. Yon bang mga relos na may damit. Ehek. Kaya hindi niya pawedeng isuot na pang-araw-araw lalo't makakalimutin na siya. Eh yong binili ko na walang 50 dollars ay puwede niyang iwala na hindi siya mawawalan ng tulog kung saan napunta, ihulog at mabasag, (naku insan, ilang beses nang nahulog yon, matibay talaga o kaya ay paglanguyin sa tubig, hindi ito malulunod. Hinalikan niya ako sa pisngi.
Nabuksan lahat ng regalo. Sandali, may naiwanang pulang envelope sa lamesa ng mga regalo. Kinuha ng mama ni James Bond. Binuksan. Binasa.
Happy Birthday also to...
Ako, insan ang binabati nila. Isang birthday card na may pirma si James Bond at ang kaniyang pamilya at MAY chekeng nakaipit.
Bago ako nakapagsabi ng hindi ko pa birthday, kinantahan na nila ako. Nag toast na sila at pagkatapos ay nag-alisan.
Hawak ko ang envelope.
Salbaheng kaempleyado ko yon. Sinabi kay James Bond na birthday ko rin daw. Pero binibiro lang daw niya para malaman ang reaction. Sus, intrigera rin.
Kinabukasan, wala na si James Bond. Lumipad na pabalik sa East Coast. Isinuli ko ang cheke sa kaniyang mother na palipad naman ng Germany.
Sabi niya, ihintay na lang daw niya sa birthday ko. Tapos ngumiti siya. Suot na
ng fafa ni James Bond ang regalo ko.
Ang iyong pinsan,
Related articles:
Robert de Niro...Pinay Goes Romantic Part 1
Robert de Niro...Pinay Goes Romantic Part 2
Tutorial Ekek-Pinay Goes Romantic Part 3
GFNPA -Pinay Goes Romantic Part 4
Blue Eyes-Pinay Goes Romantic Part 5
Love Triangle na Bilog-Pinay Goes Romantic Part 6
Si James Bond na hindi Spy-Pinay Goes Romantic Part 7
Happy Birthday Daw-Pinay Goes Romantic Part 8
Si Pinay at si James Bond
Si Pinay ang inihatid ni James Bond
Si Pinay at ang Gerl Pren
Si Pinay at ang Kapitbahay, Karugtong Po
Si Pinay at ang Kapitbahay-Brown-out ulit
Si Pinay at ang Kapitbahay
My First Christmas
Pinay goes romantic and religious Part 1
Pinoy,Pinay, balikbayan,
love,Robert de Niro,Jane Fonda, romance
No comments:
Post a Comment