Matagal din siyang di nagawi sa aking balay. Siguro mga isang Linggo. :)
Sabado, kasalukuyan akong may tinatrabahong mga papeles sa pagtatayo namin ng negosyo
ng aking mga kaibigan namg may nagdoorbell.
Si French at may kasamang cute na bata. Anak niya sa kaniyang ikalawang asawa. Araw niya para sa anak niya dahil ang kaniyang ex ay nagpunta sa Vegas para magsugal.
Yumakap ang bata sa akin. Hmmmm. Tinuruan marahil. Niyaya akong kumain sa labas. Dahil bisi nga ako, hindi ako nakapagluto at pati ang aking kabalay ay naglilinis din. Balak din naming magpadeliver na lang ng pizza.
Siyempre bitbit ko ang aking kabalay. Kumain kami ng spaghetti dahil doon gusto ng batang kumain. Masarap din. Tinanong kami kung gusto naming sumama sa Zoo kasi pupunta raw silang mag-ama. Tumanggi ako kasi sabi ko, marami akong ginagawa. Nagtatayo kami ng eskuwela at kailangan ma-isubmit na ang business plan na iyon. Sabi ko baka mag-iyakan ang mga kamag-anak ni kabalay sa Zoo pagnagkita-kita sila. Kinurot ako ni kabalay. Ouch.
Ikinuwento niya na okay na ang kaniyang negosyo at kailangan pa niya ang capital. Kaya lang wala siyang bank account. Sabi ko one of these days, tutulungan ko siyang mag-open ng bank account para sa negosyo niya. Ito na naman ang aking very charitable heart para sa mga business consultation.
Hmmm. Kung gusto ko raw ng laptop, meron siya na hindi niya alam gamitin.
Siniko ako ni kabalay. Nagthank you ako. Ayaw kong magkaroon siya ng dahilan para maisumbat sa akin. Fried egg, fried rice, pride talaga. *heh*
Sabi ko welcome naman siya sa bahay anytime na libre ako. For selfish reason, kailangan ko ang magdadrive sa akin pag may pupuntahan at wala si kabalay.
May kotse naman ako at may driver's license pero dito ko lang nalaman ang mga disabilities ko sa aking mata. Pero hindi na ako makapagdrive. Sensitive ang mata ko sa init ng araw dito. Kahit magsuot pa akong nang mamahalin na signature eyeshades. Nasasara at nasasara ang mata ko sa hapdi. Half-color blind pa pala ako. Yon bang ang tingin ko sa pula ay kalahati pink at kalahati ay pula. hehehe. Ang blue sa akin ay itim. Sa Pinas kasi may driver ako. ahem. batok sa sarili.
At ang aking peripheral vision ay mahina. Siguro dahil may sixth sense ako. Bwahaha ano kaya ang kinalaman noon.
Kaya hayon, pag tawag ko sa kaniya dating naman. Awa tuloy si kabalay. Bakit daw kasi hindi ko pa sagutin.
Anong isasagot ko, wala namang tanong. hehehe
Isa pa hindi blue ang mata niya.*heh*
Ang iyong pinsan,
Karugtong ng:
Robert de Niro...Pinay Goes Romantic Part 1
Robert de Niro...Pinay Goes Romantic Part 2
Tutorial Ekek-Pinay Goes Romantic Part 3
GFNPA -Pinay Goes Romantic Part 4
Related article:
1.Si Pinay at ang Gerl Pren
2. Si Pinay at ang Kapitbahay, Karugtong Po
3. Si Pinay at ang Kapitbahay-Brown-out ulit
4. Si Pinay at ang Kapitbahay
5. My First Christmas
6.Pinay goes romantic and religious Part 1
Pinoy,Pinay, balikbayan,
love,Robert de Niro,Jane Fonda, romance
No comments:
Post a Comment