PiNaysaAmerika: Madilim ang Mundo-Pinay Goes Romantic Part 13

Karugtong ng:

Dear insansapinas,

Ayaw ko nang isulat ang sinapit ni B insan. Ilang buwang nakatakda ang aming kasal, nakatanggap ako ng tawag sa isang ospital. Nasa ICU si B. Ikalawang atake. Ako ang nakasulat na next of kin. Pagkatapos ng tatlong araw, binawian siya ng buhay. Fatal ang stroke. Ang biyudang hindi pa nakakasal.

Hindi ako nag-internet mula noon insan. Pumapasok lang ako para lang pumasok. Hindi ko rin pansin si James Bond. Walang kulay ang mundo. Hindi nalaman ng mga kaibigan ko dahil hindi rin ako lumalabas pag weekend. Hindi rin ako sumasagot sa telepono.

Yong negosyong tinayo lang namin ang inaasikaso ko paglabas ko ng aking trabaho. Ang sungit ko raw.

Isang gabi, nakatanggap din ako ng tawag sa telepono. May nerbiyos na tuloy ako.
Namatay ang fafa ni James Bond. Ako ang huling kausap ng hapon na iyon bago ako umuwi. Wala si JB. Nasa East Coast. Pero parating daw.

Madilim ang mundo.

Ang iyong pinsan,

About the Blog

This is a blog about the adventures and misadventures of a Filipina in the US of A who wants to save the world from clutches of evil but is too lazy to don her costume. It also includes her reminisces of her journey of life in her birth country. Sinimulan ko ito ng 2004 at pansamantalang iniwan ng magbukas ako ng marami pang blogs katulad ng Now What, Cat? . Ngayon na pinahihinga ko ang aking pusa, dito naman ako nanggugulo.

Mga kuwento ng pag-ibig(lintek na pag-ibig yan, pagpapakasakit (uso pa ba ang martir ngayon),pagtataksil (hulihin si Hudas) at mga karanasan ng mga Pinoy na nangingibang bansa. Mga kuwentong parang pelikula na hindi naman pelikula pero pwedeng isa pelikula. Gulo ko. Ang mga KUWENTO po dito ay mga nakaraan na at sa kasalukuyan na may kasamang mga salawikain, totoo at tagp-tagpi.Minsan ay sumisipa rin ako sa pulitika at lalo sa showbiz. Frusrated actress kasi. Toinkk. Dito rin ninyo mababasa ang mga sariwang balita dahil hindi pa man nangyayari ay naibabalita ko na. ahek.