Happy Birthday Daw-Pinay Goes Romantic Part 9
Dear insansapinas,
Birthday ko na talaga insan. Tumawag ang aking mga kaibigan na pagkatapos ng aking trabaho ay pakakainin nila ako. Susunduin daw ako ng isa sa kanilang mga alipores. Hige.
Dumating ulit si James Bond. Aba, buwan, buwan, lumilipad na siya in town.
Isinuli ko ang tseke at sinabi ko ang totoo na hindi ko kabirthday ang kaniyang fafa.
Belated April Fool ang ginawa sa kaniya at sa akin ng isang kasamahan namin na nagtataka bakit paborito yata akong asarin ni James Bond.
Medyo, nagsalubong ang kilay niya at hindi naghiwalay. Gusto niya raw akong makausap.
Gusto raw niyang ipaalam na habang wala ang kaniyang mother, siya ang natokahan ng kaniyang kapatid na mamahala kasama ng kaniyang fafa na nagiging masungit dahil sa kaniyang sakit.
Oke.
Mas gusto niya raw yong isang Pilipina na hindi bumalik sa dahilang hindi niya alam.
Halatang asar siya sa akin.
Yong ang nagtrain sa akin at alam ko bakit hindi na yon bumalik. May problema sa asawa niyang kaniyang itinatago na asawa niya. O di va magulo. Pero in fwerness, kagaya nang ipinangako ko na hindi ko sasabihin ang sikreto, tahimik lang ako.
Hindi rin raw ako paborito ng kaniyang fafa. Isinumbong daw ako minsan na sumimangot nang kausap niya.
Hindi lang daw malaman niya kung bakit ako paborito ng kaniyang kapatid na abogada na siyang decision-maker. hehehe.
Halata mong inis siya at hindi niya itinatago ang inis niya sa akin. Kung pwede lang sigurong sabunutan niya ang aking wig, sasabunutan niya. O insan, nagwiwig ako noong mga araw na iyon dahil yong nagputol ng buhok ko ay minarder ang aking magandang buhok. Ayun "pinabugbog" ko. Biro lang insan.
Kung hindi ko lang birthday at hindi naman siya ang boss ko talaga, nag-walk- out ako sa maghapon niyang pang-aasar sa akin. Hinihintay niya akong pansinin ko siya at magalit pero tinataasan ko lang siya ng kilay at hindi sumasagot.Psywar insan ang naisip ko.
Oras na nang labasan. Nagmamadali akong lumabas. Sinundan niya ako hanggang sa elevator. Medyo kalmado na siya. Kung gusto ko raw, ihatid niya ako. Hindi niya alam birthday ko.
Pagbukas ng elevator sa ground floor, nandoon ang sundo ko at isang lalaking kilala ko sa retrato. Ang British. Systems manager siya sa isang bangko sa UK. Lumipad siya para sorpresahin ako at hingin ang kamay at paa? hekhekhek
Binati nila ako. Nahinto si James Bond.
It's your birthday?
Pakilala, pakilala. Nagkilala sila ng British na hindi rin spy.
Ang iyong pinsan,
Related articles:
Robert de Niro...Pinay Goes Romantic Part 1
Robert de Niro...Pinay Goes Romantic Part 2
Tutorial Ekek-Pinay Goes Romantic Part 3
GFNPA -Pinay Goes Romantic Part 4
Blue Eyes-Pinay Goes Romantic Part 5
Love Triangle na Bilog-Pinay Goes Romantic Part 6
Happy Birthday Daw-Pinay Goes Romantic Part 8
Si Pinay at si James Bond
Si Pinay ang inihatid ni James Bond
Si Pinay at ang Gerl Pren
Si Pinay at ang Kapitbahay, Karugtong Po
Si Pinay at ang Kapitbahay-Brown-out ulit
Si Pinay at ang Kapitbahay
My First Christmas
Pinay goes romantic and religious Part 1
Pinoy,Pinay, balikbayan,
love,Robert de Niro,Jane Fonda, romance
No comments:
Post a Comment