Bago natin ituloy ang Robert de Niro...blah blah entries ko insan, sandali lang at reretratuhin ko itong Snowww na dumating ng walang kakatok-katok.
Ito ang kuha mula sa aking bedroom ceiling to floor Window. OO insan, ceiling to floor and bintana ko kaya para akong aquarium dito.
Ito naman ang kuha mula sa patio. Hindi mismo sa patio dahil malamig. Sa loob lang ng
living room at nakasara ang glass doors.
Kaya pala bandang madaling araw ay nigiginaw ako. Nakaboxer's shirt lang kasi ako matulog. Hila ko kaagad ang tinupi ko ng comforter at pinatungan ko na ang aking paa ng sheepskin na security blanket ko rin. Hindi man lang nagpaabiso ang snooww na ito na babalik siya. Pero sandali lang naman na natunaw, bago pa man ako photo-photo na naman.
Kinahapunan, bumalik kami sa Wal-Mart ng aking kapatid para isauli ang Sponge Bob kong bag. Sira ang zipper. First time kung makabili sa Wal-Mart, inis pa ako. Buti na lang nakatago yong receipt. Ako ba naman. Magtatayo yata ako ng museum ng receipt.
No question asked naman. Tanggap kaagad nila. Punta kami sa Target. Uhmm, may nagustuhan akong bag. Pangsports naman. Mas mahal nga lang.
Sa hapunan, insan, pilit kong inuubos yong tahong na binili ko. Ayaw kumain ng aking brother kaya ilang araw din akong magpupurga nito. Dalawang kahon pa nga ang binili ko. Haaay. Ang pangit naman kasi. Hindi kagaya ng tahong sa atin, na manamis-namis.
Ang iyong pinsan,
Related article:
Pinay goes romantic and religious Part 1
Pinoy,Pinay, balikbayah,
love,Robert de Niro,Jane Fonda, romance
No comments:
Post a Comment