Ikukuwento ko saiyo, habang ikinikuwento sa akin ng kaibigan ko na nasa kabilang phone.
11:25 Ayan Philippine National Anthem na. Wagaywagayan ng Philippine flags ang mga Pinoy. Makahanap nga rin ng flag na maiwawagayway.
11:27 National Anthem naman ng Mexico ang kasunod. Wagayway din ng mga flags ang mga Mexicanos. Uy, mas marami sila. Siyempre noh. Texas yata yan.
Round 1 TEeeeeng
Binuntal ni Pacman si Solis, kanang kamay. Ganti si Solis pero mabilis ang mga buntal ni Pacman, para bang nagmamadali. Nakanti ni Solis si Pacman ng kaniyang right hand. Walang aray. Lalon inulan ni Pacman si Solis ng mga suntok. Wala siyang payong kaya tama ang mga suntok. angengenge.
Teeeeng.
Round 2
Mainit si Solis sa ikalawang round pero panay naman ang kaniyang iwas. Kaya panay suntok sa hangin ang kaliwa, kanan ni Pacman. MAs marami raw na buntal si Solis kaysa kay Pacman. Tama si Solis ng kaliwang kamay ni Pacman. Hmmmm . walang effect. Wala pang excitement.
Teennggg
Round 3
Kinaliwa ni Pacman si Solis. Uhmmm Uhmm. Ba magaling din. Hindi natitigatig. Panay ang singit niya kung makakasingit ng pagbuntal sa katawan ni Pacman. Palagay ko patatagalin ito para sulit ang pay-per-view.
Teeeeenggg
Round 4
Teeeng
Nahirapan si PAcman abutin si Solis. Pero panay din ang tama ni Pacman. Kanan tapos kaliwa. Uhm uhm. Buntal din si Solis, kanan na tumama below the belt.
Buti nga, nawarningan siya. Panay ang order ni Pacman ng combo. Combination ng right and left. Ang kaliwa ang nakatama. Ah galit na siya.
Pero nacorner si Pacman at nabuntal ni Solis.
Teeeeng
Sandali, time out ako.
waaah, kumuha lang ako ng juice,(at ng Wheat Thins, dumaan sa bathroom, may nakitang nahulog na libro, pinulot). Sandali anong round na ba?
Eight na? Kabilis naman. Ako pala ang mabagal.
Pinatumba na ni Pacman si Solis.
Ito ang karugtong:
Round 5
Teeeng
Binuntal na naman ni Solis si Pacman sa kaniyang baywang. Uhhhm ayoko niyan.
Pero sapol din niya sa Pacman na napunta sa mga lubid. Nakuha wag kang patatalo.
Hindi kita babatiin. achecehe
Panay ang iwas niya sa mga suntok pa ni Solis kahit mayroon ng ARAYYY.
Mainit lalo si Solis. Kala niya mapapatumba niya si Pacman. Beelat.
Teeeng.
Round 6
Aba nawili si Solis. Siya naman ngayon ang mahilig sa combo. Ayan may hiwa na si Pacman sa kaniyang kilay. Di bale na, hindi naman siya mahilig magtaas ng kilay.
Nagalit na naman si Pacman. Buntal dito, buntal doon. Tama si Solis. Ayan tumba si Solis. Lalo siyang naulol. Kanan, kaliwa.
Sandali, pahabain pa ng kunti.
Teeeng
Round 7
Buhay ulit si Solis pero galit na si Pacman. Dalawang kaliwa, tama kay Solis. Tuliro siya. Panay kaliwa si Pacman. Panay tama.
Panay ang ilag ng kaibigan ko. hehehe
Round 8
Paya pa rin ang buntal ni Solis, combination siya. Si Pacman, kaliwa. Uhhm tama siya bagsak. Sigawan ang mga tao. Ang mga Pinoy. ANO BA ANG SUSUNOD SA PITO? ah walo, SIYAM, SAM....Biglang tayo si Solis. UHhhm.
Kaliwa ulit ang buntal ni Pacman. Bagsak.
Dali bilisan ang bilang.
And the Winner by TKO, Manny Pacman eheste Pacquiao.
entertainment,Manny Pacquiao,Pacquiao-Solis Fight
No comments:
Post a Comment