R and R ako ngayon insan. Romance at Religious (kuno) dahil Huweves Santo. Hindi ako makaviseta iglesia dahil iisa lang ang simbahan ditong Katoliko, sarado pa palagi.
Kaya nanood ako ng lumang pelikula. Stanley at Iris ang palabas. Kung hindi nga lang si Robert de Niro ang bida na ang galeng galeng talaga at si Jane Fonda, na ang tatay ay peyborit ko dahil ang pogi at ang galeng galeng ding umarte, hindi ko siya panonoorin.
Si Iris (Jane Fonda) ay biyuda na may anak na tinedyer na nabuntis ng walang tatay na masasabi at isang batang lalaki. Si Stanley (Robert de Niro) ay cook sa cookies factory na tinatrabahuhan ni Iris.
Minsan ay humingi ng gamot si Iris kay Stanley kung meron ito. Iba-iba ang ibinigay ni Stanley na ikinapaghinala niya na hindi ito marunong magbasa.
Minsan ay pinagbintangan ng may-ari ng factory si Stanley na nag-oorder ng mga gamit sa kusina na sobra-sobra at inuumit. Pinagtanggol ni Iris si Stanley at sinabing hindi maari dahil di marunong magbasa ang binata.
Naalis sa trabaho si Stanley at pumasok na lamang sa isang gas station. Tinuruan siyang magbasa ni Iris at paminsan-minsan sila ay hindi nagkakasundo.
Sinubukan nilang magtalik pero hindi makalimutan ni Iris ang namatay na asawa kaya lumayo si Stanley. Hindi rin ito nakatiis at bumalik at tamang tama naman na handa na siyang tanggapin ni Iris. Magaling sa pagimbento si Stanley at isa sa mga naimbento niya ay isang makina kung saan siya ay inalok ng trabaho sa Michigan.
Malalayo siya kay Iris pero, tiniis niya para magkaroon siya ng pagkakataong kumita ng malaki at maging karapat-dapat kay Iris. Nawala siya ng dalawang taon. At...
Saka ko na itutuloy, insan dahil naalala ko na meron din akong nakilalang "Stanley" a buhay ko pero hindi kami THEY LIVED HAPPILY EVER AFTER.
Sa aking pagbabalik insan.
Ang iyong pinsan,
1. My First Christmas
Pinoy,Pinay, balikbayan,
love,Robert de Niro,Jane Fonda, romance
No comments:
Post a Comment