Advertisement

Friday, May 06, 2011

From Switzerland with Love

Dear insansapinas,
Naah, hindi ito novel. Tapos ko ng basahin ang Postcard Killers ni James Patterson at ngayon binabasa ko ang The Silent Sea ni Clive Cussler. Kung di lang malabo ang mata ko, madali ko itong matatapos. 


Historia de un amor ito ng aking MIL (biyenan) dahil ngayon ang month anniversary ng kaniyang kamatayan, six years ago at siyempre mother's day.


Hindi ko lang siya biyenan, kaibigan pa at katsismisan.


Bakit Switzerland? Kasi taga roon and mother niya habang ang kaniyang ama ay taga Germany. Doon siya nag-aral sa isang boarding school noong namatay ang kaniyang mother.


Ang mother niya ay isang modelo. Napakaganda. Ang father naman niya ay businessman na kung saan-saan nakakarating. Sa edad na apat na taon, namatay ang kaniyang mother. Hindi pa man nakakalipas ang isang taon, nag-asawa kaagad ang kaniyang ama at dinala siya sa Espana. OO Virginia, magaling siyang magsalita ng Espanol at alam niya ang mga santo at santa ng Romano Katoliko kahit na siya ay agnostic. Ang palagi niyang pasalubong sa akin noon ay religious article kagaya ng special key chain na may retrato ng Santo na hindi ko nga kilala nang minsang dumalaw siya sa dati niyang tirahan sa Espanya at isang maliit na glass Sto. Nino noong pumunta siya sa Prague.


Dahil pabiyahe-biyahe ang kaniyang ama at wala namang concern ang kaniyang stepmother sa kaniya, pinadala siya sa boarding school sa Switzerland. Aside from social graces and etiquette, nagpakadalubhasa siya sa Photography. Kaya ang  mga retratong kinukuha niya ay parang mga postcards.


Dahil sa giyera, nagmigrate sila ng kaniyang ama sa US. Sa San Francisco sila napadpad. May nakilala siyang isang lalaki na kaniyang pinakasalan at diniborsiyo kaagad nang matuklasan niyang isa siyang closet queen. Tuwing kinukuwento niya sa akin ito na sabay ng hampas sa aking kamay, sabay ang tawa niya. I was so young then, sabi niya.


Minsan ay mas dumaong na Navy Ship sa pantalan ng San Fran. May nakilala siyang batang-batang doktor na kagagraduate lang sa Harvard at nagseserbisyo sa US Navy. Alam niyang taga Boston siya. Hindi na sila nagkitang muli nang naglayag na ang barko. Inabang-abangan niya ulit ang pagdating at para makita kung may barkong nakadaong ay pumupunta siya sa Twin Peaks (isa ito sa pinakamataas na bahagi ng San Francisco na madalas ay pasyalan ng mga lovers). Naalala ko ang isa kong katrabaho na Latina. Sabi niya, Dios mio, that's where I got pregnant. hehehe.


Minsan may nakita siyang libro. Pinadala niya sa doctor via sa US Navy with the hope na matanggap niya. Natanggap nga. Lumabas na pala ito sa serbisyo at nagpapakadalubhasa sa specialization niya.


Hindi nagtagal ay nagpakasal sila. Walang dumating na mga kamag-anak ng doctor. Hindi siya kapamilya. Hindi siya Hudyo.  Tumira sila sa Boston at nagtiyaga siyang maging stay-at-home mom habang tinatapos ng kaniyang asawang doctor ang kaniyang specialization; Cold shoulder treatment siya ng mga in-laws.(Talagang ang in-laws problems ay universal);


Nang imbitahin ang doctor sa San Fran ng dati niyang professor sa Harvard para tulungan siyang pasimulan ang isang department sa isang ospital, hindi sila nagdalawang -isip.


Habang nagpaparactice ng kaniyang profession ang asawa, si MIL naman ay nagtayo ng isang art gallery.


At dahil sa she can speak seven languages, naging volunteer docent din siya sa museum.


Kapag sila ay libre, nagtatravel sila around the world. Kasama na rito ang Pilipinas kung saan naging guest siya sa UST.



Sa pagsasama nila, walang problema sa kanilang relationship. Straight ang doctor. Sabi nga ng aking SIL, hindi raw tumingin sa ibang babae ang kaniyang ama.


Nang mamatay ang aking FIL, si MIL  ay nakatira  sa isang high rise upscale retirement homes ng mga matatanda. Pero malungkot pa rin siya kaya pag may time ako sa lunch o after office hour ay dinadalaw ko siya para kami kumain at magtsisimisan sa mga kasamahan niyang mga senior. Siya ang nagpakita sa akin na sa Pilipinas Kay Gandah ko ay may mga prinsesa rin pala, rajah at datu. May exhibit kasi noon sa museum tungkol sa isang datu sa Mindanao. Tinanong niya ako paano nagkakasundo-sundo ang walong asawa ng datu na magkakasama. Sabi ko remember, The King and I?


Happy Mother's Day to you wherever you are, S.


Pinaysaamerika

2 comments:

Tita Beng said...

Hello PinaysaAmerica! Ang bongga naman na MIL mo! At enjoy ako sa pagbabasa ng mag post mo kahit di ako nag-iiwan ng comment. Silent reader lang baga!

Will be back again! God bless!difing

cathy said...

pero siya ang hindi mataray at mapagmatang mga Puti. Siguro dahil immigrant din siya, naiintindihan niya ang mga salta lang sa US of EY.

Salamat sa pagbabasa. Lahat ng mga readers ko ay silent. Nabibingi nga ako sa katahimikan. hehehe