Conditional Cash Transfer

Dear insansapinas,

What's the conditional cash tansfer? Ito yong isasampal sa mga mahihirap para pantawid ng gutom para siguradong makapag-aral ang mga anak at makaavail ng health sevices. Suggested amount, 1,400 pesoses per family. Excuse me kung i-convert ko sa dolyar. Mga 30 dollars. Magkano ang mabibili ng 1,400? Hindi ko alam.


Ngayon ang question ay naibigay na ba ang hinihinging papel ng Senate kung saan nakalagay kung paano implement itong program na ito na kahit ano pa ang pangalang ibigay nila ay  dole out pa rin. Hindi ako against sa pagtulong sa mahirap. Biruin mo nanghihingi ka ng ganoong kalaking amount na wala ka man lang eksplanasyon kung paano mo ipamumudmod ito. Yon ba yong sasakay ka ng eruplano at ihuhulog mo ang mga peraseses sa parte ng mga mahihirap. O bawa't  magsabi na maganda si (insert name) ay bibigyan ng pera?

Kidding aside (bakit nagbibiro ba ako?) Pero gusto ko (sino ba ako ? ako lang naman ay isa sa mga milyong Filipino na nagpapaala ng remittance na tumututulong sa pagpapalago ng GDP) ring malaman kung paano ba nila iseselect ang mga beneficiaries at paano nila imomonitor ang program na siguradong ang pera ay hindi nagastos sa alak na ininom ni tatay at sa pagbibingo o pagpupusoy ni nanay.


Ah wag kayong tataas ang kilay. Meron akong kakilala noon na ang anak ay naglayas dahil pagkatapos niyang magtrabaho ng summer sa isang fastfood para makabili siya ng libro sa pasukan (iskolar siya ng Bayan)ipinansugal ng kaniyang nanay ang perang kinita niya. LEECHzee.

Dito sa States ay meron ding mga cash assistance sa mga walang source of revenues lalo yong mga may bata pero they see to it na napupunta talaga sa dapat kapuntahan ang pera. Kagaya ng Food stamps, instead na pera ang ibinibigay, ay isang card na parang bank debit card and gagamitin ng beneficiary. Ito ang ginagamit na pambayad sa mga food items lang. Hindi pwedeng gamitin itong pambili ng caviar at ng alcoholic drinks. hehehe


Bago ito maapprove, kailangang magsubmit ka ng mga papeles na talagang wala kang income. Taun-taon ay nirerenew ito base sa papel na hihingin nila kagaya ng income tax. 


Sa Pilipinas ba, maraming nagpafile ng IT?


Bago kay Clinton, ang mga single mother noon ay may tinatanggap na pera sa gobyerno, gatas, pagkain at libreng doctor. 


Napansin na tumatakbo na si bunso, ang iba nga nakikipagbasagan na ng mukha sa iskuwela , aba tumatanggap pa rin si ina na the moment makuha ang tseke, takbo sa beauty parlor, palagay ng peke na kuko, patirintas o paunat ng buhok. Ngayon binigyan na lang sila ng limitadong taon at pagkatapos ay kailangan na nilang maghanap ng trabaho.


Meron akong nakatrabaho sa isang non-profit na nagtuturo dito sa mga single mothers ng skills para sila maging employable. Inis na inis siya kasi nalaman niya na ang isang babae doon ay talagang nagpabuntis para makaavail ng program na iyon. 


Computerized na ang sistema dito na ang SSS ay madaling macheck kung nagtatrabaho ka o hindi at magkano ang kinita mo. Pero marami pa ring nakakalusot. Sa Pilipinas na ang sistema ay umasa lang sa mga certifications ng kung sinong mga opisyales na maaring maging kakutsaba sa pag-titake advantage ng mga ganitong program, saan kaya mapupunta ang 21 billion na cash dole outs.


Pinaysaamerika