Ang Kuwentong Hindi Pelikula (Kulit ninyo eh)

Ito ang Part 1, Part 2, Part 3,
Part 4, Part 5, Part 6, Part 7

Hey pick up the phone. Haynaku ang aking kaibigan na naman yan.
May breaking news na naman siguro sa kaniyang mader at ang hani
nito.

Sandali, tapusin ko muna ang pagguhit ng kilay ko. Medro tabingi eh.

Ring, ring ring ring. Merry Christmas!! Merry Christmas !! Just
leave a message. If you have a gift, leave your number. This
message is good only up to Dec. 31, 2005.

Answering machine ko po iyon. Customized. Di ba di nakantahan
ko pa sila.

Ring.. Hilew.

Kaibigan: Buti naman pinick up mo na ang phone. Ano ba
ang ginagawa mo?

Ako: Eh di nagdodrowing.

Kaibigan: May balita ako saiyo tungkol kay mader.

Ako: O sandali ha at uupo ako at kukunin yong aking pop corn.
Parang pelikula eh.

Kaibigan: bumalik ang boy pren ng mader ko.

Ako: Bakit daw? (Ngata pop corn).

Kaibigan: Kasi nalaman yatang irereport yong pagdala niya
ng sasakyan.

Ako: Huwag mo nang sabihin sa akin. Sasabihin ko na. Tinanggap
ulit ng mader mo anoh?(Ngata popcorn)

Kaibigan: Oo, kasi magbababayad naman daw.

Ako: Na naman. At saan namang kamay ni Hudas kukunin
ang ibabayad niya sa dami niyang hiniram eheste kinupit
sa bangko ng mader mo? (Inom soda)

Kaibigan: Kasi raw ay makukuha raw pera sa dati niyang
pinagtrabahuhan. Naempleyo raw kasi sa isang kumpanya.
Floor Manager ( tagalinis ng floor). May nadulas daw.
Sinuspendi raw siya. PAgkatapos na malaman na hindi
niya kasalanan, pinababalik raw siya. Ayaw na niya.
Dinemanda raw ang kumapanya ng wrongful termination.
Makakuha raw siya ng 40,000 dolareses.

Ako. Gandang gumawa ng istori talaga ang hani ng iyong mader.
Una: may tatanggapin daw siyang 401K kaya hindi umaalis sa
bahay noon at baka mawala ang tseke.Ngata popcorn tapos inom soda
glug glug glug)

May tinaggap ba? Wala.

Ikalawa: May refund daw sa tax.
Paano kaya magkakarefund yon ay siya ay hindi nagfile
ng income tax return dahil ginawa siyang dependent
ng nanay mo.

Ikatlo: May tatangapin daw pera galing sa Pinas.

Ngayon ito na naman.

Hee.

Isa: Hindi wrong ful termination. Dahil suspension lang
yon. Tapos pinababalik naman siya.

Ikalawa: Employer at will dito. Anytime puedeng tanggalin
ang empleyado.

Ikatlo: Kung probationary, lalo na siyang pwedeng tanggalin.

Hohum.

Kaibigan: Ano ang maipapayo mo.

Ako: Huwag na siyang maghintay ng Pasko. Tapos na eh.

Kaibigan: Bagong taon kaya?

Ako: Huwag mong guluhin ang kilay ko. Kadodrowing ko lang
nyan.

Ang Kuwentong Hindi naman Pelikula Part 7

Ito ang Part 1, Part 2, Part 3,
Part 4, Part 5, Part 6

Dear insansapinas,

Ringggggg

Siyempre telepono yon anoh. Pero hindi ko muna pinick-up. Alam ko ang tumatawag
kahit wala akong caller's id. Ang kaibigan ko yon. Hohumm palagay ko tungkol
na naman sa kaniyang mader dear.

O sige na nga. Masagot na nga. Hilew.

Kaibigan: Katagal mo namang pumik-ap ng phone.

Ako: Ay mamah, sinusuheto ko pa ang sutil kong buhok at ninamnam ko pa
ang aking kape nang tumawag ka. O hala kanta na.

Kaibigan: Naku masasakal ko talaga ang mader ko.

Ako: Salbaheng anak, hindi ka pupunta niyan sa langit. Aber at ano naman
ang kamartiran ang ginawa. Baka irekomenda ko na siyang maging santa.

Kaibigan: Nakakuha na raw ng trabaho yong asawa ng kabit niya. Live-in daw kaya
umalis na doon.

Ako: Di magandang balita.

Kaibigan: Umalis na rin daw ang kanyang kabit.

Ako: Di lalong magandang balita.

Kaibigan: Kaso tangay yong SUV at hindi naman binabayaran ang amortisasyon
noon buwan-buwan.

Ako: Ah masamang balita.

Kaibigan: Isa pa ninakawan na naman siya sa ATM.

Ako: Talagang masamang balita.

Kaibigan: Nagtatanong kung ano raw ang gagawin niya.

Ako: Eh idemanda niya.

Kaibigan: Eh di nga siya marunong eh.

Ako: Eh ikaw marunong?

Kaibigan: Hindi rin.

Ako: At palagay mo ako marunong?

Kaibigan: OO naman.

Ako: At palagay mo tutulungan ko siya.

Kaibigan: Kung gusto mo.

Ako: Haynaku, ayaw ko na. Nadala na ako sa pagtulong. Ako pa ang masama.
At saka baka pag sinimulan mo yang idemanda, lambutsingin lang ang
nanay mo, lumambot na naman yan.

Kaibigan: Oo nga eh.

Ako: Ang maipapayo ko lang ireport niya sa DMV ang pagtangay ng kotse
at sa pulis.

Kaibigan: Saan siya tatawag?

Ako: Susmaryones naman, hindi naman ako phone book para malaman ang mga telepono nila
anoh?
O hige na at kailangan ko nang maligo sa gatas. Tawagan na lang ulit tayo.

Tumingin ako sa salamin. May maliit na taghiyawat na lumabas sa pisngi ko.
Tingnan mo yan, may tumubo tuloy sa aking taghiyawat dahil sa mga taong ito.

Matiris nga. Araaay.

Pinaysaamerika

Ang Kuwentong Hindi Naman Pelikula Part 6

Ito ang Part 1
Ito ang Part 2
Ito ang Part 3

Ito
ang Part 4
Ito ang Part 5

Dear insansapinas,

Dapat siguro palitan ko na ang titulo sa Ang Martir na Dapat Barilin sa Buwan.

Tulad nang naikuwento ko, dinala na ng Hani ng mader ng aking kaibigan
ang kaniyang tunay na asawa sa tinitirhan nilang kuwarto.

OO Birhinya. Kuwarto lang yon kaya isang kama at isang upuan marahil.
Upa diyan ay mga Limandaang dolyares. Eh part time lang naman ang
tarbaho ni Hani (Bakit ba ako naikihani. TOINKTOINKTOINK).

Ang kita niya marahil ay wala pang walong daan dolyareses isang
buwan. Hati raw sila sa bayad da kuwarto.(Hindi naman nagbibigay).
Hati raw sila sa pagbabayad sa Van (take note SUV)na umaabot din
ng anim na raan dolyareses isang buwan. (Hindi rin naman nagbibigay
ng kanyang share).O di va martir yang nanay ng kaibigan ko. May
pakain na siyang Hani , papakainin pa rin niya ang asawa nito.

At itong SUV ay regalo raw sa kaniya pero gamit naman ang
kaniyang credit card, pati down payment ay kaniya rin.
Kaya next time na may magsabi sainyo na reregaluhan kayo ng kotse
pero credit card ang gagamitin, pakitawag lang ninyo ako at sasamahan
ko kayong ihulog yan sa bangin. Tsee.

Ang siste nito, ikinukuwento niya sa kaniyang mga kasamahan.
Kaya tuksuhan tuloy kung sino ang nasa kaliwa at sino ang nasa kanan.
Nakakarating tuloy sa aking kaibigan at ang tanong ay bakit niya
pinababayaan.

Sagot naman niya...Mahirap magpalaki ng magulang.

Pinaysaamerika

Ang Kuwentong Pelikula Part 5

Ito ang Part 1
Ito ang Part 2
Ito ang Part 3

Ito
ang Part 4

Dear insansapinas,


Christmas Song

Haynaku, nagkape na ba kayo. O sige, upo na at basahin na ang kuwento.

Nang magising ang aking kaibigan at ang kaniyang asawa ay wala na
ang magsing-irog. Sila ay nag-alsa kahon. (maliit ang balutan).

Ang siste nito, tinawagan ng kaniyang mader ang lahat ng kamag-anakan
nila at sinabing pinalayas siya.

Eto ngayon ay masaya. Tadaaaan. Dumating ang legal na asawa mula sa Pilipinas.
Syempre, di muna itinira ni lalaki yong asawa niya sa nakuha nilang kuwarto.

Pero Daaay, yong binili ng mader ni Kaibigan na kotse, ang gamit niya sa pagdalaw
at pag-alalay sa kaniyang asawa.

Mamatay-matay sa sama ng loob ang ikalawa. Eheek di pala ikalawa dahil hindi
naman siya pinakasalan kahit na pangako sa kaniya ay ididiborsiyo niya
ang asawa pagdating dito.

Syempre, ilang araw lang ang nakaraan. Tawag sa bangko ng mader ni Kaibigan.
Huhuhu, peneke ng lalaki ang pirma ng mader niya para makapag-opn ng credit card.

NO BA YAN.

Tawag ang kaibigan ko sa mader niya. ABah pinagtanggol ang kaniyang Hani.
Bakit ba naimbento ang bulag na pag-ibig anoh. Bigyan nga ng salamin.

Ilang linggo lang, nakita ang mader niya na umiiyak sa may ladies
room sa pinapasukan nito.

Inilipat na raw sa kuwarto nila ang tunay na asawa.
Kuuu kahit naman may Santo Kristo ka sa dibidib, ay makakapagsabi
ka ng Pu------------------------------------------
tulin.

Kala ninyo ano na ha.

ZZZZZZZZZZZZZZZZZZZZZZZZzzz

Pinaysaamerika

Christmas Songs

Ang Kuwentong Parang Pelikula Part 4

Bago ang lahat kumanta muna tayo ng Tagalog Christmas song.

Ito ang Part 1
Ito ang Part 2
Ito ang Part 3

Dear insansapinas,

Naku mga Day, sinugod ng aking kaibigan ang maglover.
Tahimik ang matandang lalaki pero bubulong-bulong nang
pakialamera. 'Tural lang no. Mader niya yon na niloloko.

Iniwanan niyang nag-aaway ang dalawa. Inasahan niyang palalayasin
ng kaniyang mader ang lalaki. NAKU HA. Paglabas ay parang
pusang nakakain ng daga ang lalaki. Ayos na naman. Nabola
na naman niya ang mader ni Kaibigan ko.

Ekspalansyon. Kasi raw noong hindi pa sila magkakilala ay
umuwi si lalaki sa Pinas at muling nakita ang dati niyang
gerl pren bago siya pumunta sa Estet. NAPILIT da siyang
pakasal dahil may nangyari sa kanila.

PAKISAMPAL NINYO NGA AKO. At BAHKEEET mabubuntis pa ang
mahigit na sisenta ? Aber, aber, aber.

Yon daw petisyon niya ay noong hindi pa sila magkakilala.

PAKISABUNUTAN NGA AKO. Eh tatlong taon na silang magkakulakadidang
eh ang petisyon naman sa asawa pag citizen ay wala pang dalawang
taon anoh.

ATTTTTTTT kung wala talaga siyang malasakit at pag-ibig
sa babae, bakit pinadalhan niya ng pera. Ninakaw pa sa ATM
ng mader ng KAIBIGAN ko. O di ba. O di ba.

KAGIGIL talaga.

Ang asawa ng kaibigan ko at nagpalayas sa kanila. Ayaw niyang
makita ang biyenan na niloloko mismo sa bubong ng kanilang
tahanan.

AYAW ng dalawang magsing-irog. Magunaw na raw ang mundo.

Abangan.

Pinaysaamerika

Christmas Songs,Tagalog Christmas Songs,OPM Christmas Songs

Ang kuwentong Hindi Pelikula Part 3

Dear insansapinas,

Ito ang part 1.
Ito ang part 2.

Kahihiga ko lang ulit ng madaling-araw na iyon nang tumunog ang telepono.
Ang aking kaibigan. Nakatanggap daw siya ng overseas call mula sa Pinas.
Isang babae. Hinahanap daw ang Hani ng kaniyang mader. Ang mader niya
at ang hani nito ay nakatira sa ibaba ng kanilang bahay.

Eh bakit tumawag sa kaniya? Malay ko, malay mo. Malay niya.

Kasi raw nakasara raw yata ang cell phone ng kaniyang asawa.
ASAWA? Sinong asawa? SINOBASIYA ?

Kita ninyo nakacellphone pa ang kaniyang Hani kahit na walang trabaho kung
hindi ang magparttime. Bayad lahat yon ng mader ng aking kaibigan.

Paki bigay daw ang message kung hindi puwedeng makausap. KULANG DAW ang pinadalang pera para sa pag-ayos ng papeles niya papunta sa Estet.

Kung siya ang asawa, ano ang mader ng aking kaibigan.

BAM bam bam (tunog po yan ng aking ulo na inihahampas ko sa dingding).

O masamahan nga ang aking sistah na si Kiwi para magkape.

Sa muling pagbabalik ni Pinay..nay nay nay (kita ninyo may etso pa (ehek echo pala).

Pinaysaamerika

Kuwentong hindi pelikula Part 2

Dear insansapinas

Ang salaysay na ito ay para humusga kung hindi para magbigay
ng leksiyon.

Ito ang part 1.

Kinausap ng aking kaibigan ang kaniyang mader dear. Kinausap naman
ng mader dear niya ang kaniyang Hani.

Medyo may tumulo pa raw luha. Kasi raw meron siyang ampon sa Pinas
at nangailangan ng pera dahil penipetition niya.

Naawa naman ang babae at sinabi niyang Ah ganoon pala.

O di ba, o di ba. Bilis niyang naniwala. Pitikin ko kaya?

Ampon daw ha. Tawag naman sa akin ang aking kaibigan. Tanong ko naman.
At sino naman yang inadopt na yan ? Ilang taon na? Anong relasyon nila.

O di ba. Para akong ahente ng INS ano.

Pero talaga yatang totoo ang kasabihan. Bulag ang pag-ibig. Lagyan mo man ng makapal na salamin ay kakapa-kapa pa ring panininiwalaan ang minamahal. Pwee.

Nangakong magbabayad. Meron daw siyang darating na pera sa Pinas.

Aba; sarap talagang ingudngud. Meron pala siyang perang manggagaling
sa Pilipinas eh bakit kailangang magpadala pa. Babaw ne po.

Gusto kong sugurin at sabihing, NAKAKAUTAK ka ba? Parang tanga
ang mapapaniwala mo niyan Eh meron ngang tangang naniwala.

Isama ko kaya sa ngudngod.

Hee. pinatataas ninyo ang aking blood pressure.






Itutuloy.

Ito na ang kwento na hindi pelikula

Naku Day ang bidang ang lalaki ay sa hindi naman ako namimintas pero mukhang tisiko.
Ang kapal. Kung sana ay guwapo pero sabi nga ng anak ng kaniyang niloko, mukha yata siya yong hahabulin ng sabon at tubig para lang maligo. Tsee.

Noong nagsasama pa sila, ay kinikilabutan ang aking kaibigan pag naririnig niya ang kanyang nanay na tinatawag itong Honey. Hanep talaga kung maglambing ang Datan. Meron pang
breakfast in bed. Pakisampal nga ako. Baka inggit lang ako.

Pero unang hirit niya ng pangloloko ay ang pagwithdraw ng pera sa ATM ng kaniyang
kinakasama. !@#$%^&*() Kung hawak ko nga lang ang aking magic wand di sana ay ginawa
ko na siyang ahas. AHAS, AHAS , AHAS. (Nageemote lang ho ako) Okay ba kiws?

Aba, nang siya ay pinahanap ko sa aking kaibigan, sinabi pang nakikialam sa hindi naman pinakikialaman. At ang masakit pa nito, ipinagtanggol ng nanay ng kaibigan ko ang kaniyang
kalive-in. Kulang na lang na tumaas ang buhok ng aking kaibigan sa galit. Kahit saan mang buhok yon. Ang kaniyang nanay, nabulag sa pag-ibig. Mahirap magpalaki ng ina.

Itutuloy ang mga susunod pang mga katrantaduhan ng matandang lalaking ito.