Black Friday , the CNN Hero Telecast, the Thanksgiving Celebration and White House Crashers

Dear insansapinas,

CNN Heroes Telecast 

I still have to master how to use  eyedrop. Pag ginamit ko, either papatak sa pisngi ko, sa eyelids o sa gilid ng mata. Never yatang pumasok sa mata. Pero ngayong gabi, swak siya kaya mamasa-masa ang aking mata. Palusot pa. Eh dalawang oras akong nakatanghod sa TV para sa CNN Heroes Telecast. Basa rin ang kamiseta ko, hindi naman sa patak ng luha kung hindi sa tubig na lumigwak galing sa baso pag-inom ko. Palusot ulit.
Sige na nga hikbi,hikbi, hikbi.

Bilib  ako sa mga taong napiling heroes,  kasama si Efren Penaflorida syempre. Isang hero doon na taga Indonesia ay may ampon na 48 aside from tatlo nilang anak. 

Naalala ko tuloy ang aking lola na kung buhay siguro, hero  din dahil may isandaan yata ang kaniyang inampon noong  malakas pa siya at matagumpay na businesswoman .


I felt humbled. Napatunayan lang na hindi kailangang maging Bill Gates ka o Warren Buffett para maging pilantropo o makatulong sa kapwa. At hindi mo kailangang maging relihiyoso (take note one presidentiable) o kaya ay tumakbo ng public office. (take note another presidentiable) para maging hero.


Turkey pa rin



Anyway, turkey pa rin ang kinain namin. Hindi nga lang yong buo kung hindi yong pinilas-pilas na. Masarap din siya. Kasama ang mga  kabarkada ng turkey pag siya ang nakahain sa lamesa, kagaya ng mashed potato, pasta, cornbread, sweet corn at apple pie. 


Ang mga kaibigan kong bumati ay nagsabi na magluluto sila ng lumpiang shanghai, embutido, pancit, adobo at dinuguan. Ang mga lintek, pinaglaway pa ako. 


Black Friday


Hindi ito ang Good Friday. Ito ang Friday after Thanksgiving kung saan bagsak ang presyo at ang mga shoppers ay nakapila na sa labas ng stores bago ito bumukas ng alas 4 o alas singko o alas seis.


Binigyan ako ng aking kapatid ko ng shopping flyers mula sa isang electronic store. Balak pala niyang sumama sa mga taong makikipagbalyahan pagbukas ng mall sa mga shoppers bukas.


Panay naman ang check ko sa mga items na gusto ko.  Baka sakaling makaabot pa siyang meron pang available na item. Kasi ang ibig  sabihin ng limited supplies ay baka isa lang ang item na kanilang ibabargain sale.


Wala rin silang raincheck. Siguro, ayaw nilang bumaha. ehek.

White House crashers

Medyo kapalmuks ang mag-asawang party crashers sa state dinner party na ibinigay ni President Obama sa Prime Minister ng India.
Hindi sila imbitado, nakalusot sila at nilagay pa sa Facebook ang kanilang mga retrato at sila raw ay imbitado. (Facebook na naman)  
Yon pla ay marami silang kaso na involved ay kaperahan.

Akala ko pa naman sa pelikula lang nangyayari ito kagaya noong Wedding party Crashers nina Owen Wilson. 





Pinaysaamerika