The Gift and the Shadow

Dear insansapinas,

Kinandaduhan ko na ang aking gift as much as possible ayokong gamitin o kaya gumana. Pero ngayong umaga, nakatungo ako at nagkakalikot ng bago kong laugh top (o ayan iniinggit ko kayo, hahaha) nang parang may shadow ng babaeng dumaan sa aking bandang kaliwa. Nag-iisa lang ako, Iska. Kaya walang makakapasok.
Inisip ko mother ko, pero hindi mas bata eh.

Wala pang isang oras, tumunog ang phone. Namatay daw ang aking kamag-anak by affinity na hindi man kami nag-aaway openly, may cold war naman ang aming kani-kaniyang  alipores. Cold war na kailangang magsweater para hindi ginawain sa mga cold looks.

Bumulong siya. Dispensa raw. Sabi ko naman hindi naman siya ang may kasalanan sa aming Cold war kung hindi isang malapit sa kaniya. At ako naman hindi ko na nilalagyan ng yelo.


Bata pa siya. Pero may diabetes din at hypertension. Nagtatrabaho pa nga at slim naman siya.


Noong kinuwento ko sa aking kaibigan, sabi niya baka raw magkita kami. HAAA?  May pupuntahan pa naman ako sa Biyernes na matagal ko nang pinopostpone.  Kunting retoke dito, kunting retoke doon. Sana walang problema. Sabay-sabay. Erase, erase, erase.


Pinaysaamerika