Full Moon

Dear insansapinas,
Late ang blog tungkol sa full moon pero kasi noong Saturday, dala-dala ko ang camera at hinahanap ko ang full moon,di ko makita. Naupo ako sa couch, naghintay, nakatulog pala ako. 


Anyway, hindi ito ang retrato ng pinakamalaking full moon pero at least makikita ninyo kung ano nag mukha ng buwan. May mukha ba yon?

Maraming implications ang bilog ang buwan. Sa akin na may lahing humahati-ang-katawan-pag-bilog ang buwan, dapat nong Sabado, itinali ko ang aking sarili sa bed (pero dahil nga antukin ako) di na kailangan, tapos dapat nagsuot ako ng retainer para di umusli ang aking pangil, pag-alas-dose . mwihihihi  Oo Virginia, sa aming probins sa Bicol, pinagkakatakutan ang bilog ang buwan. Yan kasi ang paniniwala na naglalabasan ang mga aswang, manananggal at mga aliens na mahilig gawing smorgasboard ang katawan at dugo ng mortal.

Manananggal

Pero lately, wala na yata akong nababalitaang mga manananggal at aswang. Siguro namamasyal palagi sa mall. O kaya yong mga namatay ay hindi nailipat ang bato sa kanilang mga anak dahil mga OFW ang mga ito. Wala sa bansa.Sa akin yong ibinigay na bato hindi ako sigurado kung bato nga. Butones yata yon. bwahahaha. 

Pero ang paniniwalang may epekto ang full moon sa sanity ng tao ay pinaniniwalaan pa rin kahit dito sa Amerika. Sa isang convalescent hospital kung saan may inaassign kaming nurses, abala sila pag bilog ang buwan. 

Balisa ang mga matatanda. May mga naglalakad at hinahanap ang nanay nila na namatay na yata sa giyera, Meron namang hinahanap ang kanilang asawa na matagal na ring namayapa.Mga tahimik ang mga taong ito pag hindi bilog ang buwan pero pag full moon ay halos di sila matulog.

May kasabihan pa noon ang matanda na pag ikaw ay nasinagan ng buwan habang natutulog ka ay nagiging baliw ka talaga. That explains. Kaya ba tumitingin ako sa buwan pag full moon at biglang Awooo. Sabi noong akong kaibigan, naniniwala raw ako ay isang wolf kahit sinabi kong dog watch lang ako at ang buwan ay mukhang pizza.

Baliw

Pinaysaamerika