Survey ulit at headline

Dear insansapinas,

photolooted from the source indicated

Labas na naman ang survey. Forty five per cent ang pumili kay Noynoy Aquino. Tapos makikita mo sa mga balita na ang kanyang lead ay lalong tumatatag.


Siguro dapat batukan ng librong Math 101 o Statistics ang mga nagsulat nito. Kasi yong mga unang survey, mas mataas ang kaniyang rating. ang focus ay hindi doon sa pagbagsak ng rating niya kung hindi doon sa paglilead niya. 

Ganiyan talaga yan, enhance the positive and hide the negative. Toink.
Siguro depende rin kung sino ang nagcommission ng survey. Yong unang survey, mga alipores niya ang nagcommission noon. Timing na paglaunch sa kaniya na kunwari pinag-isipan pa niya. Pero ang script nakasulat na. Biruin mo ba naman ang daming nakadepende sa kaniya pag siya nanalo. Mga businessmen na hindi nakakuha ng malaking kontrata sa kasalukuyang administrasyon. Mga naalis sa administrasyon. Mga kamag-anak Inc.


Pag siya ang nanalo, labu-labo ang nga grupong ito. Nagsisimula na raw eh. Ahoy.



Isa pa dapat turuan ang mga tao na ang mansanas  eh hindi pwedeng ikumpara sa orange. Isang survey kasi ay multiple choice as in, pumili sa listahan.


kagaya;


Sino sa palagay ninyo ang magiging malakas na kandidato sa eleksiyon. Pumili ng tatlo.


1. Aquino
2. Villar
3. Teodoro
4. Estrada at iba pa.


Ang sagot dito ay hindi lang isa.


Iba naman pag ang tanong ay:


Sino ang iboboto ninyong presidente. Choose one.
1. Aquino
2. Villar
3. Teodoro
4. Estrada at iba pa.


Tanong class, puwede mo ba silang pagtabihin at pagkumparahin. Umiiling ang aking pusa.


Respondents:

Bilib na sana ako sa survey nang makita ko ang resulta sa Senador.

Topnotcher si Jinggoy. Sabihin na nating maraming pogi points si Jinggoy pero angsumunod ay si Bong Revilla. Pati si Lito Lapid nasa top 18. 

Sino ba ang ininterview ng mga researchers, mahilig pa rin sa pelikula? Si Lito Lapid nga tahimik eh, nakapasok pa.

Ang gusto raw ng tao ay hindi corrupt:

Bakit hindi pumapasok sa survey sina Villanueva,Gordon at Jc Dela Cruz? Si Gibo?  May corruption issue ba sa kanila?

Ang gusto raw ng tao ay pro-poor

Pro-poor ba ang mga Aquino?

Mga Endorsers:

Si Manny Villar ang endorsers ay sina Willie, Dolphy at Efren Bata Reyes.

Sabi ng Pusa ko. Oweno.

Si Noynoy ang endorsers, si Kris, Boy Abunda at maraming iba pa.

Sabi ng Pusa ko. Oweno. Sila ba ang  pinakamagaling na taong marunong pumili kung sino ang dapat Presidente.

NGIYAW.
Etcetera.

May strategy ang isang Vice-presidential candidate. May mga bayaran siyang walang ginawa kung hindi magcomment sa mga political blogs ng platform ng kanilang kandidato. Kahiya naman.

 Pinaysaamerika